今年環球經濟同金融市場持續受衝擊，下半年表現可謂充滿未知數。當中以美股表現相對較頑強，對於投資者來講會唔會係另一個好選擇？

自從金融海嘯之後，美股一直經歷「史上最長牛市」，如果冇投資過美股，都唔好意思同人講自己係資深投資者。不過面對疫情突然來襲，美股曾經一度由2月高位大跌近三成。正當以為牛市神話告終，美國聯儲局帶頭減息，並承諾將維持低息直至就業市場恢復正常，幾乎全部委員都預期今明兩年都唔會加息，同時亦推出無限量QE政策，美股由低位至今反彈9000點，成功收復大部分失地，大型科技股甚至相繼破頂！疫市下美股仍然保持強勢，連股神巴菲特都不得不寫個服字。

展望下半年，環球公共健康危機、中美關係及美國總統大選，將為美股表現增添變數，未來幾個月，市場或間歇性出現不明朗因素同震盪。不過好似上文所講，各國出盡力「放水」救市，投資者擔心貨幣有貶值風險，自然將錢投入金融市場保值，相信可以為美股帶來一定程度支持。

更重要嘅係，經濟好似慢慢從危機中康復，例如美國7月非農業就業職位增加176.3萬個，是連續第三個月高過市場預期，失業率亦跌至10.2%。睇埋啲先導指標，反映製造業擴張或者收織嘅採購經經理指數，唔單止美國嘅升到去16個月高位，中國同歐洲亦擴張緊，如果經濟繼續復甦，對企業盈利同股市都有利。

揀選投資板塊方面，上半年世界各地受封城影響，「宅經濟」概念股跑出成焦點，科技相關股亦被睇高一線。估計下半年仍然受疫情影響下，數碼發展行業同健康護理服務類型股會依舊受惠，例如雲端服務、人工智能、線上教育、遠程醫療、創新藥物開發或科技等相關類型。不過由於大型股早前已經升幅太多，再大升空間可能有限。相比之下，中小型股反而有潛力追落後，更值得投資者考慮。

總括而言，下半年想搵投資機會，美股仍然係一眾投資者嘅抗「疫」好選擇。而喺Citibank只需要開設一個股票戶口，就可以享有24小時全天候美股服務，隨時隨地透過Citi Mobile® App進行交易，以及獲取由湯森路透提供嘅專業股票分析，助您掌握更多投資機遇！