天氣凍咗個人特別想食嘢，尤其暖笠笠嘅打邊爐同煲仔飯更加係冬日必食推介，一個唔小心食多咗，搞到體重上升點算好？有人話過，減肥係「3分靠運動，7分靠飲食」，適當地調整飲食習慣對於體重管理尤其重要。以下就同大家探討兩個熱門飲食法則，同埋需要注意嘅地方。

「間竭性斷食」係近年相當流行嘅減肥方式，透過控制進食嘅時間及份量，令身體係斷食過程中燃燒體內脂肪，從而達到減重目的。「間竭性斷食」又可以再細分為不同種類，基本上都係根據斷食時間或日數命名，好似「16：8斷食法」就等於16個鐘嘅斷食時間加上8個鐘嘅進食時間，斷食時段可以飲清水、茶、黑咖啡等無糖飲品；「5：2斷食法」就代表一個禮拜內有5日正常飲食、另外任選2日減少食量至500卡路里左右，令身體得到適當嘅休息和修復。不過本身腸胃比較麻麻嘅人，可能會因為未能「定時定量」進食而感到不適，未必適合採取「間竭性斷食」。

「低醣飲食」亦係另一個相當受歡迎嘅飲食方式，醣係指碳水化合物，而「低醣飲食」就係透過減少吸收碳水化合物，以脂肪和蛋白質替代佢嘅能量，有利血糖控制，同時令身體自動燃燒脂肪。只要揀啱食物種類，唔駛特別控制熱量，都可以輕鬆減磅！首先由減糖做起，好似戒食甜品、選擇無糖飲品等；其次係澱粉，主食要盡量選擇全穀類，例如糙米、紫米、全燕麥等來取代白飯，意粉同麵包等精緻澱粉。另一方面，可以選擇椰菜花、菠菜、蘆筍、生菜、菇類等低澱粉嘅蔬菜，嚟取代高澱粉嘅番薯、薯仔、粟米等。不過「低醣飲食」相對比較容易實行，不過就唔太適合本身血糖低或者肝、腎功能欠佳嘅人嘗試。

雖然有研究指出，「間竭性斷食」同「低醣飲食」有助降低體脂肪、體重、血糖，不過由於每個人嘅體質、喜好、飲食習慣同生活習慣都有不同，以上兩種飲食法嘅成效絕對係因人而異，而長期執行亦有機會令情緒或身體出現其他問題。如果真係想嘗試呢類飲食方式，最好先諮詢專業人士意見，同埋由比較溫和嘅方式開始，例如選擇較短嘅斷食時段/日數，或者逐步慢慢調低食物中醣嘅比例，循序漸進等身體慢慢適應。

其實想有效減輕體重，為身體補充足夠同均衡嘅營養都係其中一個關鍵，例如蛋白質、維他命B同C同鈣質等都可以加速新陳代謝，從而幫助燃燒脂肪；仲要記得補充水分同維持充足嘅睡眠時間，先可以保持身體健康同維持良好狀態。另外，On Diet期間好多人都會選擇自己準備食物，想方便的話上HKTVmall就可以一次過買齊各種食材同supplement；用埋Citi HKTVmall信用卡埋單，除咗可以賺到信用卡積分，逢星期四仲有額外折扣優惠，畀錢嗰陣仲可以直接用埋Citi Pay with Points找數，輕鬆憑分消費！